د تېلو د ټانکرونو د چلوونکو د فعالیتونو ګډوډی او د پولې تړل کېدل؛ له ۷۰۰ زیات ټانکرونه په افغانستان کې درول شوی
نېټه: ۱۴۰۴/۰۶/۱۴
په افغانستان کې د شاوخوا ۷۰۰ د تېلو ټانکرونو له درول کېدو وروسته – چې نږدې دوه میاشتې مخکې هېواد ته داخل شوی وو – د دغو ټانکرونو چلوونکو اعتصاب کړی دی. دغه ټانکرونه چې له پاکستانه افغانستان ته داخل شوی وو، تر اوسه د طالبانو له خوا بېرته نه دی استول شوی، او د درولو اصلی علت یې هم معلوم نه دی.
د سیمهییزو سرچینو په وینا، معترض چلوونکی د پولې په شاوخوا کې راټول شوی دی او له طالبانو څخه غواړی چې ټانکرونه یې بېرته ورکړی. دغه حالت د تېلو د انتقال او پولی سوداګرۍ بهیر ګډوډ کړی دی.
په غبرګون کې، د دریو هېوادونو ترمنځ پوله د څو ورځو لپاره تړل شوې ده، او ترانزیټی او سوداګریز تبادلات د ایران، پاکستان او افغانستان ترمنځ درېدلی دی.
د راپورونو له مخې، ټاکل شوې ده چې د شنبې په ورځ د دې بحران د ارزونې او حل لپاره غونډه ترسره شی. خو د دې خبر تر لیکلو پورې، د طالبانو له خوا نه د ټانکرونو د درولو علت څرګند شوی او نه هم د بېرته استولو احتمالی نېټه اعلان شوې ده.
دا وضعیت د دریو هېوادونو د ټرانسپورټی شرکتونو، چلوونکو او سوداګرو ترمنځ اندېښنې راپارولی، او که دوام ومومی، کېدای شی د اقتصادی بحران او د تېلو د کمښت لامل شی
